反彈?原來係幻覺

HiRes_meitu_1

熊威無敵,「阿爺」難救。人民銀行今日逆回購4,000億元人民幣,規模為近3年單日最多,放水帶升港元,帶動恒指高開192點,一度更節節上升,最高曾反彈352點,一度收復19,000點關口。

如果誤信係反彈訊號撲入市,而家應該唱緊「這陷阱、這陷阱,偏我遇上」。因為反彈只係維持左一個上晝咁大把,由於港匯一直偏弱,拆息持續扯升,市場對走資憂慮未消,終難敵「淡友」大軍。恒指午後開市立即由升轉跌,最多跌352點;全日收報18,542點,跌344點,創2012年6月以來低位,成交近964.90億元。

藍籌股幾乎全線下跌,全日約有31隻藍籌股創過至少52周新低;地產、銀行、石油等板塊無一倖免。港交所(388)今日公佈三年計劃,惟未能刺激股價,下跌3.33%;騰訊(700)報133.1元,成交金額全日最高。

潮語錄:唔係IQ題,邊隻「熊」最恐怖?股市入面果隻。

分享: