【爆seed﹗】業績會大班金句開心share﹗

【爆seed﹗】業績會大班金句開心share﹗

 

每年3月業績期,亮點除咗上巿公司業績,一班「大孖沙」嘅爆seed金句一樣夠搶,古文、借喻百花齊放,啜核程度媲美黎天王,小編收錄城中「金句王」,「花生」有餘,功架十足﹗

 

「黃台之瓜,何堪再摘」(呼籲港人以本土利益為重) ~長實集團主席李嘉誠

淨係呢句,超人重金禮聘返嚟嘅「百萬文膽」已經值回票價。

 

「究竟都係一個人類嚟嘅。」(回應梁特首連任問題) ~嘉華國際主席呂志和

呂博士見慣大場面,一句ko敏感議題,咩立場解讀都冇得輸,靚抽﹗

 

「黑色一定要溝白色,灰色先係最好,唔好『分黑白』。」 (回應香港繁、簡體字爭議) ~銀河娛樂主席呂志和

呂博士此言令我諗起「核心嘅外圍係核心嘅內圍」,禪味十足﹗

 

「巿況廿年最衰﹗」(形容地產巿道) ~美聯集團主席黃建業

黃老闆好少可咁肉緊,巿道之差可想而知,大家扣好安全帶未?

 

「這個金礦在這裏,不要那麼著急去挖,她也不會跑走。」(談及旗下效果廣告業務發展) ~騰訊主席馬化騰

馬雲「淘寶無假貨」豪語揚威國際,馬化騰爆seed一樣耍家,「雙馬」有排鬥﹗

 

「香港零售業由『飲醉酒』步入『宿醉未清』。」(喻零售業逐步正常化) ~佐丹奴主席及行政總裁劉國權

唔知劉生係咪想借杯中物,勸諫當局派「解酒丸」救醒零售業?

 

「最緊要守,守得雲開見月明。」 (形容香港靜候一帶一路成果) ~恒基地產主席李兆基

 每個成功「大孖沙」都袋住句百搭萬能Key,任何場面都好駛好用﹗

 

「既可進攻,亦可防守,加強中場,甚至買球員,搵軍醫,亦可選擇只係打歐聯,唔參加盃賽,各適其適。」(喻電訊業激烈競爭) ~九倉主席兼常務董事吳天海

吳生以球賽寓商戰,唔知係咪對有線電視失落「英超」仲耿耿於懷?

分享: