港股獲「大摩」唱好，恒生指數於11月12日突然發力，急彈536點。支香檳都未飲完，「摩笛」已經失效，恒指係翌日「黑色星期五」立即打回原形，甫開市即低開394點，最多曾跌過525點，最後收市報22,415點，跌473點，前一日的升幅幾乎全部蒸發。
邊個令「摩笛」失效？唔洗估，就係正職「語言藝術家」，兼職聯儲局主席的耶倫。佢係11月12日發表講話時，再次「彈弓口」，唔肯就12加息再表態，令同晚的美股創逾一個月最大跌幅，拖累港股。所以話做人態度一定要明確，含含糊糊盞累街坊。
潮語錄：股票升得急跌得快，真係「一場遊戲一場夢」…
