星球大戰 財力覺醒
你睇左「星戰7」未？未睇邊有話題？潮流興「延續經典」，重拍電影大收旺場，但論到吸金能力，無人及得上《星球大戰七部曲：原力覺醒》。據《華爾街日報》報導，這齣電影單係首個週末，累計美加總票房已達2.38億美元，打破今年6月上映的《侏羅紀世界》創下的2.088億美元票房紀錄。已成為迪士尼繼Marvel超級英雄之後，創造的又一吸金神話，不得不佩服其商業眼光。
事實上，「星戰」本身就是部「印銀紙機」。有市場人士估計，單是「星戰」第7集就可在全球創造高達近百億元的商機，當中包括約24億美元的總票房收入，還有數之不盡的玩具、遊戲、影音、形象收益。
唔好以為「星戰」大賺唔關香港人事，因為相關的「星戰概念股」已經水漲船高，其一就係香港上市，專門向戲院提供放映技術的IMAX中國(1970)，今日股價最高曾升至60元，創52週新高，原因就是受惠於近年大行其道的科幻電影。所以大家欣賞電影之餘，也不妨向相關的股份同版塊掘金。
外國有「星戰」，香港也有陳年的《如來神掌》(曹達華版本)、《黃飛鴻》(關德興版本)等經典，片商應該考慮重拍，甚至Crossover套《黃飛鴻 V.S. 如來神掌》，相信單係中國票房，10億8億走唔甩。