7成打工仔曾帶病返工 令香港損失306億

你有冇試過帶病返工？原來好多打工仔為了不影響花紅及不想同事給予負面評價，都帶病返工，打工真艱難。

保柏一項調查發現，有90%打工仔舊年曾患病，當中68%都曾帶病返工。平均而言，香港打工仔舊年平均有64日帶病返工，約佔全年工作日數1/4！員工咁辛苦，僱主又知唔知？原來僱主估計，員工帶病返工日數只有19日，哇，足足差成45日！

當中，80、90後好拼搏，調查發現有77%帶病返工，高於上述平均的68%。另外一個拼搏階層，就係中層管理層，有71%都話有帶病返工。

不過，究竟帶病返工的生產力係點呢？原來計番條數，由於帶病返工影響生產效率，令生產力損失高達306億港元。即係有幾多？約佔香港本地生產總值的1.3%！

調查又發現，帶病返工與請病假相比，做成多3.4倍(約89億港元)損失！

來源：on.cc東網