安全小法寶  保護摯愛小寶寶

一次疏忽，終身遺憾，照顧小朋友真係睇少一眼都唔得！特別係3歲以下的小朋友，細細粒，好奇心強，又鍾意周圍走，屋企咁多小陷阱，好易出意外！今日美聯醒你4件小法寶，為你的寶寶打造安全家居！如果你仲有其他小法寶，不如一齊開心share！

1.    電器插座蓋

小朋友手指幼，好易攝入插座，唔用時記得將插座冚好。

2.      近距離追蹤器

媽咪係廚房煮飯，只要開著追蹤器（右邊），小朋友開門走咗出街，身上的熊仔（左邊）就會嗶嗶響！

3.      抽屜防護鎖

百厭的小朋友鍾意搞亂檔，有咗呢件小法寶就唔怕佢哋擅自開抽屜，亦唔怕夾親手指仔啦！

4.      安全門欄

唔想小朋友入廚房、樓梯等禁地，可裝上門欄，以保安全。