亮賢居高層戶低市價沽

樓主有Say:

旺市有旺市買樓，淡市都有淡市買樓，最緊要「貼市」，咁就有機會搵到「筍」嘢! 好似大角咀亮賢居剛促成1宗2房單位成交，為項目高層F室，單位向南，外望開揚景觀，可遠眺中環維港景，仲係發展商原示範單位添!

據悉，業主係外藉華人，急於沽樓離港，所以先會咁平都肯賣，區內客見咁筍即時傾價扑鎚，成交價僅約630萬元，低市價逾1成，折呎實用呎價約12,525元，建築呎價約8,861元。睇翻資料，原業主係2010年3月買入，當時買入價約598.8萬，是次轉手帳面獲利約31.2萬，升值約5%。