煥然壹居2016有售
三球就可以買到市區新樓，係邊？咪就係巿建局的啟德項目「煥然壹居」。巿建局今日公佈銷售詳情，將於明年1月4日上載價單。實價未知，但官方根據加息前的市價估計，折實後樓價將由300餘萬元起，至最高的600餘萬元左右，以市區新樓黎講，說得上係「白菜價」，料明年5月揀樓後隨即可以入伙。
咁既價錢，當然唔係人人有份，有申請限制。單身人士月入不可超過3.35萬元，資產上限150萬元，更重要的是只限申請開放式或一房單位。資料顯示，項目包括8個開放式同埋213個一房單位，可供單身人士選擇實在不少。而2人或以上家庭申請，入息上限則為6萬元，資產上限為300萬元，更可以挑選開放式單位或兩房單位，限制少，選擇更多。無論單身都家庭都會一同抽籤，機會均等。
「煥然壹居」的賣點之前都介紹過，請容小編RECAP一下，定價以11月份同區私樓8折計算，高層可享180度海景，實用面積由 332 至 568 平方呎不等，而且一如許多資助房屋間隔非常實用，仲鄰近啟德站，更有綠化概念，既環保亦慳錢，估計每年可減少17%耗電。