超強入手 派對禮物掏寶場

「又到聖誕，又到聖誕…」每逢年尾，又係我哋呢類神級交際動物出動嘅時候，派對一早排爆schedule，我「高富帥」縱橫P場多年，最老尷嘅經歷除咗撞衫，莫過於「交換禮物」環節，抽中你份禮嗰位朋友當堂黑面，從此，我認真準備呢場選擇遊戲，但成功入手「送嗰個LIKE，收到嗰個又BUY」嘅禮物，分分鐘難過扑中Table For Six。或者你會話：錢解決到嘅問題就唔係問題，但實情係你花得起唔代表懂得花，送禮講誠意仲講心思。係時候要出「超必」﹗話說俾我發現個奇場，打正旗號玩噱頭，賣嘅表面係破格家品，實際係賣幽默感——雪景水晶球底蘊係個浪漫砂糖罌；愛因斯坦figure靠太陽能翻生，水松木地球儀竟然係手動旅遊打卡器…包你眼看見，手忍唔住動，女嘅叫「卡嘩依呢」，男嘅嗌「估佢唔到」。

究竟呢度即係邊度？睇完段片，跟主持Hazel行個轉自有分曉，齋睇已經物欲高漲？一旦身陷現場，睇怕都幾難忍到手「運桔」離場。