如果鞋款能選擇

有人話判斷一個人係咪男神，要睇成個package；有人話要判斷一個人係咩性格，要睇佢踩住對咩鞋。

以為我「吹水」？偉論背後大有根據，美國心理學研究話，憑你著住對鞋，唔止睇穿你做盛行、good taste定bad taste，仲會揭示你貴庚、搵幾多、人格特質、政治取向、戀愛習性乜乜乜…換言之，著鞋仲裸露過冇著，穿透力勁過照X光。

正面啲睇，開心買鞋，唔開心買鞋，「鳩鳴」從此大條道理。

論鞋款，男生揀擇的確俾女生窄，要數最百搭非皮鞋莫屬，陪你返工搏殺10粒幾鐘，仲要伴你day off踩天涯，無論你係潮童定毒朋友，一對有深度、有態度嘅「好鞋子」全天候幫到手。

名牌款太離地，大眾款撞到「啪啪聲」，手繪皮鞋係另類選擇。設計師Simon Tang師承日本，出手前先同你chit chat，為你度身繪製獨一無二嘅皮鞋，由漸變、撞色到玩紋理，100%自主style，潮襯rock chic, trendy, classic冇難度，肯肯定係dating襯唔切衫攪到遲到、脫毒未成功仍須努力嘅救星。重點係落地價，觀塘搵到歐洲味道。

SAPH+Workshop

觀磄, 駿業里10號業運工業大廈1/LF.,B1 室