2016有求必應之 瞬間看換樓

2016新年大眾願望—發財、添丁、住好啲﹗適逢「美息」當前，港樓告別長升，換樓是福不是禍？大師，求指點迷津。

「家有喜事，升呢換3房樓，邊區低水？」

「加息先嚟換樓，伏味濃？」

「發展商谷行細價盤，換樓仲有冇得揀？」

「供應潮嘩嘩嘩湧到嚟，中價樓問前途。」……

主場奉勸你諗多無謂，問專家最實際。

首先update你換樓門檻，分析師話要800至過千萬起跳，入巿前千祈千祈要計啱條數。

夠實力，仲要KO「先買後賣」定「先放後買」終極選擇題。DSD（雙倍印花稅）當前，最頭痕莫過於我哋呢班唔湯唔水嘅換樓客，雖則政府04年中放寬換樓退稅時限，將半年換樓期延長至收樓至開始計，買新樓從此唔駛迫得太緊，但係把鎖一日未解，換樓一日唔就手，即係點？買咗先放唔驚臨門脫腳，換樓平安！

壓軸贈你獨家上樓貼士：今年中價樓吉位集中美孚、將軍澳，有心人不妨就地行番轉，時運高成功入手筍盤，祝你家肥屋潤，風山水起！