舊就等如Out？屹立灣仔過百年嘅和昌大押話你知，少年，你太年輕了﹗所謂世事無絕對，邊個話一日當鋪，一世當鋪？坐落和昌大押嘅《鄧鄧鄧鄧》將家品店同當舖完美結合，淨係聽見劉嘉玲、鄧永鏘爵士合資已經知「有啲料到」，推門而入，即時見識咩叫名宅氣派，呢度嘅家飾設計大玩東西合璧，懷舊玩味撞出摩登品味，最認真嘅係產品悉心擺設喺客廳、飯廳、睡房、浴室、衣帽間5個華麗陳列室，感覺好維多利亞、好上海灘，話說唔少係老闆私人珍藏，奇就奇在名牌檔次賣中產價錢，自問浪漫嘅你，周末不妨攜情人走一趙，遊歷押舖嘅前世今生，順道來用無限濃情蜜意，來掏迷人玩意，為二人世界做準備﹗
