同2萬關講BYE BYE 港股新年快「落」
又跌？小編都講到悶，但踏入2016年之後，港股又真係幾乎無升過，今日恒指又跌超過500點，連20,000大關都失守埋，最多跌成588點，尾市都無咩起色，最後報19,888點收市，埋單計數跌565點，繼上週五之後，再創2年半低位，暫時都未見到有「鯉魚翻身」的機會。
今日又跌的原因，係港匯上週急挫，累計全個禮拜「插」116個基點，跌至去年3月以來最低水平，觸發「走資」疑雲，拖累港股如同食「瀉藥」。眾多藍籌股之中，只有華潤啤酒（291）好好彩微升0.5%；昆侖能源（135）跌7.3%報，成為全日表現最差藍籌；曾經的股民「最愛」騰訊(00700)都失守140元關口，可以話係傷亡慘重。
港股急挺，暫停「熔斷」的A股都嘰勢未，一開市就低開1至2%後，之後跌幅擴大，全日跌近6%，當中滬指及深指齊齊以全日低位收市，滬綜指險守3,000點，但都創近4個月新低。要止跌，睇怕要等「阿爺」放水，有人估計新春前國內有機會「降準」，就放長雙`眼睇下對股市及經濟有無刺激作用。