喜訊，單身都可以買煥然壹居
要加三個感嘆號，因為對急於上車的單身貴族而言，實在是大喜訊。市建局啟德住宅項目「煥然壹居」最快下月推出，終於宣佈接受單身人士申請。「煥然壹居」一向有「高級居屋」的稱號，位置靚，望維港海景，售價亦係同區私樓「八折」，當然貴過一般居屋，但已經廣受矚目期待。市建局預期，將於今年12月底或明年1月初開始接受申請，屆時會向外公布詳情。
位於啟德的「煥然壹居」共提供484個單位，其中338個屬資助房屋，單位包括開放式、一房及兩房三種戶型，實用面積由332呎至568呎不等，間隔一如其他資助房屋般四正實用，而且屋苑經綠化設計，可降低耗電量，加上鄰近啟德站，食正沙中線概念，好處越數越多，絕對係上車的理想之選。期望局方能盡快公布銷售細節，令有意申請者及早做好準備。