港人點睇樓市？調查話你知
樓價係咁跌，香港人點睇今年樓市？想買樓的人係多左定少左先？唔洗下下靠估，花旗銀行今日發表左季度樓市調查報告，結果顯示上年第四季有62%的人認為樓價會係未來12個月下跌，不但遠高於第三季的46%，仲創左自2010年有調查以來新高，只有22%人認為樓價會止跌回升。
咁香港人對樓市咪睇得好淡？又未必。因為調查亦發現，在2015年第四季有14%受訪者表示有興趣置業，比例與第三季相若；同時認為現時不是置業好時機的受訪者比例竟然有所下跌，由第3季的74%減少至第4季的67%，按季上升7%。換句話說，認為現時是上車時機的比例有所回升，明顯因為樓價跌到殘，有更多人考慮趁機會入市上車。
花旗於2010年開始已進行同類的樓市調查，並按季發表。調查委託香港大學社會科學研究中心，以隨機抽樣電話訪問形式，於2015年12月內訪問超過500名香港市民。